Luftëtari duhet të fillojë të shqetësohet, pasi me sa duket ka humbur mbështetjen e tifozerisë së saj, Gjatë gjithë ndeshjes së sotme, vendasit janë kontestuar nga publiku vendas, duke filluar nga individë të veçantë e për të vazhduar me trajnerin, sidomos kur ky i fundit zëvendësoi Xheksonin.
Tifozëve nuk u pëlqeu Luftëtari që shihnin në fushë dhe e kanë shprehur këtë me vazhdimësi duke kritikuar edhe publikisht lojtarët për paraqitjen e tyre. Ndërkohë, ra në sy fakti se si në fund u kthyen në mbështetës të ekipit udhëtues, i cili ishte paraqitur në Gjirokastër pa mbështetës.
Pas vërshëllimës përfundimtare, fillimisht kishte vërshëllima për lojtarët e Luftëtarit që dilnin nga fusha e lojës, pro më pas filluan duartrokitjet nga tribuna për të gjithë lojtarët e ekipit krutan të cilët falënderuan në të njëjtën mënyrë gjirokastritët për këtë respekt të veçantë dhe të rrallë në stadiumet shqiptare.
