Luftëtari i këtij sezoni, jo vetëm që e ka nisur keq sa i përket rezultateve me dy humbje radhazi ndaj Kastriotit në Gjirokastër dhe Laçit, por duket se po ndien edhe krizën financiare. Në Gjirokastër ka kohë që flitet për çështje pagesash të prapambetura apo dhe për mos korrektesë nga klubi.
Gjyqet e Boyom dhe Milinkoviç janë në “derë”. Madje, afrimet e verës të cilësuar si të bujshme duket se janë larguar “pa ardhur” mirë në Gjirokastër. Fjala është për sulmuesin Mario Gurma, i cili edhe për nga “CV” u prezantua si një afrim i bujshëm, por që ka ditë që nuk është parë më në Gjirokastër.
Ashtu si edhe portieri Hrvoje Bukovski, i cili luajti vetëm në Evropë, në dy takimet, titullarë në Ventspils dhe 45′ në Elbasan. Më pas u “zhduk” me damkën e pësimit të jo pak por pesë golave. Në dy ndeshjet e para të Superiores nuk ka qenë as në stol! Në Gjirokastër thonë se nuk e kanë më në plane…
