Kukësi ka arritur të marrë një fitore të rëndësishme në “Elbasan Arena” përballë Luftëtarit, duke shkuar në këtë mënyrë në katërt fitore radhazi. Ka mjaftuar goli i shënuar në minutën e 49 nga Rexhinaldo me anë të një penalltie, që verilindorët të marrin tri pikët e radhës.
Një ndeshje ku nuk kanë munguar rastet për të dyja skuadrat, por që asnjëra nuk ka arritur që t’i konkretizonte, ndërkohë që me këtë fitore të arritur, Kukësi shkon në kuotën e 13 pikëve dhe kryeson së bashku me Partizanin.
