Në takimin që i ka kërkuar paraditen e sotme, stafit drejtues politik të Ministrisë së Brendshem, drejtorëve të policisë dhe shefave të komisariateve, kryeministri Edi Rama foli për “të fortët me makina e shampanjë” duke përmendur edhe Klement Balilin.
“Nuk dua i dashur drejtor, të presim të vijë ambasadorja e re amerikane për të na kujtuar në fjalimin përshëndetës që Klemend Balili, nuk është kapur akoma. Ashtu si nuk dua të jenë në detyrë drejtorë e shefa, në zona, ku dinjiteti për të cilin fola vihen në diskutim, jo vetëm nga të fortët dhe makinat e pordhës së tyre, po as nga kundërvajtësit që gërryejnë lumenj, presin pemë, që ndërtojnë tek tuk pa leje, që hedhin plehra dhe inerte. Unë e di shumë si seriozisht po përpiqeni të kapni Klement Balilin, për të gonxhuar zvarranikë të tjerë”, u shpreh Rama.
