Ministrja e Kulturës dhe njëherazi deputete e qarkut, Mirela Kumbaro, ka ndarë me ndjekësit e saj në Facebook albumin me fotot e koncerit të këngëtarit prishtinali, Shpat Deda në Gjirokastër.
“Gurët e Gjirokastrës janë kthyer tashmë në skënën e gjallë të kulturës bashkëkohore duke rrëzuar të gjitha kufijtë, ato të mendjes dhe ato administrative. Faleminderit Shpat Deda që zgjodhe Trashëgiminë Kulturore si skenë të muzikës tënde! Nga Shkodra në Gjirokastër albumi #AmbëlEThartë i dha jetë Kalasë së Argjiros në qytetin që turizmin e ka bashkudhëtarin e të gjithë muajve”, thotë Kumbaro.
Shpat Deda ka ndërmarrë një tur në shumë qytete të vendit për të promovuar albumin e tij ‘Ambël e Thartë’. Gjirokastra ishte destinacioni i tij i radhës fundjavën që shkoi. Koncertet vijojnë edhe në qytete të tjera të vendit.
©ArgjiroLajm.net
