Ekstremisti grek Kostandinos Kaçifas që ka qëlluar me armë Policinë e Gjirokastrë teksa në Bularat po zhvillohej ceremonia për festën e Greqisë vijon të jetë në arrati. Forcat RENA kanë mbërritur nga Tirana dhe po krehin zonën malore mbi fshat, aty ku mendohet se po fshihet 35-vjeçari.
Nëse shikon me detaje faqen e tij në Facebook, përveç postimeve me gjuhë urrejtje ndaj shqiptarëve dhe thirrje nacionaliste greke, Kaçifas ka miqësi edhe me dy ish drejtues të LSI-së në Gjirokastër; Kristaq Xhai dhe Nikolla Buka. I pari ka qenë drejtor i Bordit të Kullimit në Gjirokastër deri para një viti, ndërsa i dyti ka qenë drejtor i Ndërmarrjes së Trajtimit Studentor, ku është akuzuar edhe për shpërdorim fondesh dhe korrupsion.
Të dy njihen si njerëz të afërt të deputetit Vangjel Tavo. Nuk dihet nëse miqësia e Kristaq Xhajit dhe Nikolla Bukës me ekstremistin Kostandinos Kaçifas që po terrorizon Dropullin është thjesht virtuale apo ata kanë njohje personale me njëri-tjetrin. 5 ditë më parë 35-vjeçari kishte paralajmëruar në Facebook sulmin që ndërmori sot ndaj policisë.
“Rama dhe Tsipras bëjnë plane pa nikoqirët. Për një gjë të jeni të sigurt. Rinia e Vorio Epirit nuk do të qëndrojë spektatore (nuk do bëj sehir). Thirren të gjithë grekët e Vorio Epirit që në 28 Tetor të dërgojnë një mesazh në çdo anë. Grek ose vdekje!”, shkruante Kostandinos Kaçifa në rrjetin social.
©ArgjiroLajm.net
