Trupi i pajetë i ekstremistit grek Kostandinos Kaçifas vazhdon të jetë në morgun e spitalit ‘Omer Nishani’ në Gjirokastër. Burime të ArgjiroLajm.net thonë se ende nuk është kryer autopsia e plotë. Ndërkohë në banesën e tij në fshatin Bularat janë hapur dyert e morit. Akoma nuk është caktuar ora dhe vendi i varrimit. Ka zëra që thonë se trupi i tij mund të merret për në shtetin grek nga familjarët, duke qenë se ai ishte një shtetas grek. 35-vjeçari u qëllua me plumb në kokë dhe gjoks nga forcat RENEA pasi nuk iu përgjigj thirrjeve për t’u dorëzuar. Vazhdimisht ai qëllonte me armë ndaj policisë, duke rrezikuar jetën e tyre.
©ArgjiroLajm.net
