Në fillim të kësaj jave Panajot Barka ishte i ftuar në emisionin ‘Open’ për të folur mbi vrasjen ekstremistit grek, Kostandinos Kacifas në Bularat. Në studio, kreu i çamëve, Shpëtim Idrizi i nxori Barkës një foto ku ai shfaqet me armë automatike në dorë. Por i menjëhershëm ishte reagimi i Barkës, i cila tha se ajo foto ishte e montuar dhe se personi që kishte bërë montazhin ishte dënuar nga gjykata. Fjala këtu është për gazetarin Telnis Skuqi, i cili e kishte publikuar foton disa vite më parë. Ndërkohë pas deklaratës te ‘Open’, ku e quajti montazh këtë foto, sot ka reaguar gazetari Skuqi. Ja çfarë shkruan ai.
“Unë mund të jem i dënuar penalisht si ordiner, si trafikant droge, si përdhunues, si vrasës, si…., por kurrë në jetën time nuk jam dënuar si fotoreporter që montoj fotografi.Profesionin e fotoreporterit e kam dashuruar aq shumë, sa asnjëherë nuk ia kam bërë me hile këtij zanati. Unë jam i dashuruar cmendurisht me këtë profesion. Fotografia që po publikoj, ku shfaqet Panajot Barka me kallashnikov, është realizuar në vitin 1997 në ish Shtëpinë e Oficerave në qytetin e Gjirokastrës. Personalisht nuk dua të diskutoj vendimin e gjyqësorit, sepse për mua vendimi i gjyqësorit i mirë apo i keq, respekohet, por i jap të drejtë Panajot Barkës të publikoj vendimin e formës së prerë, ku të citohet se fotografia është montazh dhe më urdhëron mua të fshij fotografine e tij nga interneti, në rast të kundër Barka është i detyruar të më kërkoj falje dhe të heshti”, shprehet Skuqi.
©ArgjiroLajm.net
