Gerd Haxhiu dhe Korabi i tij do të kërkojnë kthesën e madhe në Gjirokastër përballë Luftetarit. Ish trajneri i bluzinjve në fazën e dytë të sezonit të shkuar, aktualisht në krye të stolit të dibranëve u dha dorën e fundit përgatitjeve përpara sfidës të së Dielës në Gjirokastër. Haxhiu e pranon se skuadra gjirokastrite luan futboll argëtues, por shton se ndeshja mes dy skuadrave debutuese do të jetë një vitrinë për futbllin shqiptar.
Haxhiu shton gjithashtu se e njeh mjaft mirë skuadrën gjirokastrite, por ky fakt sipas tij përbën edhe një disavantazh pasi lojtarët me të cilët ka punuar e dinë filozofinë e trajnerit vlonjat.
Polemikat që shoqëruan ambjentin e skuadrës dibrane pas ndeshjes me Skënderbeun për shkak të gjykimit tashmë janë një histori e kaluar për Haxhiun, por ai kërkon që “xhaketat e zeza” të mos jenë protagonistë në sfidat e Superiores.
Gjithsesi, pavarësisht situatës aspak komode në klasifikim, numri 1 i stolit të skuadrës dibrane shikon me optimizëm nga e ardhmja pasi shpreson që Korabi të marrë maksimumin e pikëve në ndeshjet që ai pret të zhillohen në Peshkopi, duke nisur që nga fundjava tjetër kundër Vllaznisë./ss
