Miratimi i buxhetit duket se ka bërë që të lehtësohen financiarisht gjirokastritët. Krahas shumës që do të kalojë në ditët e para të janarit, priten edhe të ardhurat nga Uefa. Por, duket se do të ketë edhe donacione nga biznese të ndryshme në formë marketingu.
Sapo është konfirmuar fondi për sportin nga Këshilli i Bashkisë së Gjirokastrës, presidenti Grigor Tavo ka lajmëruar zyrtarët e klubit dhe stafin për të “çelur” merkaton. Por fillimisht u ka bërë me dije se asnjë nga titullarët e rëndësishëm, të cilët trajneri Mezani i ka në plane nuk do të largohet.
Madje, presidenti është gati që të plotësojë edhe kushtet e trajnerit për lojtarët që ai i ka të domosdoshëm në merkato, vetëm e vetëm që Luftëtari në pjesën e dytë të sezonit të mos e diskutojë mbijetesën dhe të jetë në vendet e sipërme të renditjes.
