Luftëtari poshtërohet në Gjirokastër, mundet 5 me 1 nga Kastrioti. Kriza vazhdon

Që luftëtari ishte dobësuar pas largimit të Rrocës, Shkurtajt dhe Mirasavljev, nuk kishte diskutim, por që të poshtërohej në këtë mënyrë nga Kastrioti i vendit të fundit, nuk pritej. Plot pesë gola kanë shënuar krutanët në portën e Ruçit, 3 nga të cilët në 6 minutat e fundit të ndeshjes. Situata është dramatike për gjirokastritët, që duket se do ta kenë të vështirë mbijetesën. Trajneri Bledar Devolli ka debutuar në kampionat me këtë fitore shumë të rëndësishme, që mban gjallë shpresat e qëndrimit në elitë.