Edi Rama përsëriti të njëjtat teza lidhur me krizën politike në vend, gjatë takimeve që pati me mbështetësit e tij në Përmet. Ai tha se nuk ka ndërmend të lëshojë pe lidhur me kërkesat e opozitës, dhe mandatin do ta cojë deri në fund. “Sot në 2019 arrijmë në pikën që vendi të kërcënohet nga fantazmat e 1997, për t’i shpëtuar Saliu drejtësisë apo Luli për të shpëtuar karrigen”, u shpreh Rama.
Kryeministri i ka qendruar argumentave të tij, se sjellja e opozitës, dorëzimi i mandateve lidhet me frikën për të hyrë në zgjedhje, dhe frikën nga rezultatet e reformës në drejtësi. Rama ka zbuluar para njerëzve të mbledhur në Përmet se për cfarë lutet ai në darkë para se të flejë, dhe para se të hapë sytë në mëngjes.
“Lutem çdo natë para se të fle dhe çdo mëngjes para se të hap sytë, që kjo që na ka ndodhur javën e fundit të mos ju kushtoj njerëzve e punëtoreve të këtij vendi që i janë kushtuar këtij drejtimi, turizmit. Përmeti e ka bazën e të ardhurave të veta turizmin”, deklaroi ai.
