Fytyra e bukur në listën e LSI-së për qarkun Gjirokastër, Ediola Braha, do të jetë deputetja më e re në Kuvend. Ajo pritet të marrë mandatin e lënë nga Vangjel Tavo. Braha ka dorëzuar formularin e dekriminalizimit në Komisionin Qëndror të Zgjedhjeve dhe pritet që të bëjë betimin në seancën e ardhshme. Por çfarë ndodhi me të? Pse ajo theu vendimin e LSI-së?
Sigurisht që ky është një vendim i saj tërësisht personal. Braha është joshur nga ideja për të qënë në Kuvend, aty ku valenca politike është edhe më e madhe. Natyrisht që është në të drejtën e saj sepse fundja për këtë qëllim u bë pjesë e listës së LSI-së dhe punoi në fushatë. Ditët e fundit ndaj saj është ushtruar presion i madh prej Vangjel Tavos i cili e pati promovuar Ediola Brahën në kohën kur LSI po rritej dhe ishte në kërkim të njerëzve të rinj.
Po kështu presion ndaj saj ka ushtruar edhe kryetarja Monika Kryemadhi. Në disa raste Braha ka refuzuar t’i përgjigjet edhe në telefon kryetares së partisë. A mund të kenë influencuar njerëz pranë PS-së për ta bindur atë që të marrë mandatin? Sigurisht që as kjo nuk përjashtohet dhe fundja nuk është kriminale nëse ka ndodhur. Por kryesorja në këtë histori është vendosmëria e saj për të mos e humbur një shans të tillë. Ediola Braha nuk është një politikane karriere.
Ajo është e vetëdijshme së një mundësi e tillë për të hyrë në Kuvend i vjen vetëm njëherë në jetë. Në këtë kuptim kandidatja e LSI-së tashmë thjesht ka kapur momentin. Si Braha do të veprojë edhe Vjollca Luke, e cila është në listën e PD-së në qarkun Gjirokastër. Ajo pritet të marrë mandatin e Tritan Shehut.
©argjiroja.net
