Protesta e opozitës në Tiranë, interes i ulët nga Gjirokastra dhe disa rrethe të tjera të vendit

Duket se pjesëmarrja nga rrethet, në protestat e përjavshme të opozitës, ka qenë e ulët. Nga Berati, Fieri e Shkodra nuk ka patur nisje të organizuar të anëtarëve dhe simpatizantëve të PD dhe LSI, të cilët shprehen se janë të vendosur të protestojnë, deri në largimin e kryeministrit Rama dhe qeverisjes së kapur nga krimi dhe korrupsioni. Edhe më i pakët duket interesimi në rrethe të tjera të mëdha. As nga Durresi dhe Gjirokastra nuk ka patur nisje të organizuara, por ata që donin të ishin pjesë e protestës, kanë zgjedhur të udhëtojnë privatisht. Po kështu edhe nga Vlora, Korça, zgjedhja ka qenë individuale. Protesta e radhës e madhe e opozitës përpara Kryeministrisë është lënë në datën 13 Prill.