Kryetarja e LSI, Monika Kryemadhi e shoqëruar nga ish- deputeti për qarkun e Gjirokastrës Vangjel Tavo kanë zhvilluar një takim me strukturat në qytetin e Tepelenës. Gjatë takimit mes të tjerash Kryemadhi është shprehur se zgjedhjet e parakoshme janë afër. Kryetarja e LSI po ashtu ka përmendur disa nga fenomene sociale të cilat po e dëmtojnë Shqipërinë si emigrimi, papunësia dhe rritja e taksave.
“Gjendja ekonomike e vendit është e mjerë. Taksat rriten ndërkohë që të ardhurat për familjen shqiptare ulen.
Duhet të ndalojmë eksodin e shqiptarëve.
Rinia duhet të gjenerojë energji në Shqipëri, jo të marrë rrugët e emigrimit.
Duhet të punojmë që shqiptarët ta bëjnë Shqipërinë shtepinë e tyre.
Papunësia ka ardhur për shkak të paaftësisë dhe korrupsionit qeveritar.
LSI është partia e fjalës së mbajtur, forcën reale e ka tek njerezit, jo tek emrat e përveçëm”, deklaroi Kryemadhi, duke bërë thirrje qytetarëve që të besojnë te ndershmëria e fjalës së LSI.
Në këtë takim u zgjodh dhe kryetari i ri i LSI për Tepelenën, ekonomisti Sefer Kanushi.
