Gazeta greke “To Vima” ka publikuar pamjet dramatike se si u vra një shqiptar në 14 janar të 2019-ës brenda në qelitë e burgut të Koridhalos, pamjet që i ka krahasuar me atë kaosit në burgjet e Kolumbisë dhe Meksikës, në një vend që dëshiron të quhet i civilizuar. Dyshohet se shqiptari që humbi jetën pas sulmit është Arbër Bako. Në artikull thuhet se pavarësisht se qeveria greke i mohon, vetëm në muajt e fundit në burgun e Koridhalos kanë ndodhur dhjetë përleshje të përgjakshme dhe 26 vdekje dhe plagosje të burgosurish.
