Një tërmet i fuqishëm ka goditur sot pasdite më parë Turqinë jug-lindore duke shkaktuar panik tek banorët.
Nga të dhënat paraprake mësohet se tërmeti kishte një fuqi 6 të shkallës richter, ndërsa fillimisht u raportua si i fuqisë 6.5 dhe me një thellësi 10 kilometra.
Tërmeti kishte epiqendër zonën e Denizlisë.
Tërmeti është ndjerë thuajse në të gjithë Turqinë qendore dhe perëndimore duke i kujtuar turqve tërmetin e frikshëm të gushtit 1999 që shkaktoi mijëra të vdekur. Momentalisht raportohet vetëm për dëme materiale dhe jo në njerëz.
Nderkohe edhe në Greqi një tjetër tërmet i fuqishëm ka lëkundur tokën mëngjesin e sotshëm.
Tërmeti me magnitudë 4.6 ballë e kishte epiqendrën në zonën detare 35 kilometra në veri-lindje të ishullit Samos dhe ishte me thellësi 12 kilometra.
Tërmeti u ndje edhe për banorët e ishujve të Cikladave.
Prej disa ditësh tashmë Greqia është e lëkundur nga një sërë tërmetesh të fuqishëm dhe kjo ka shkaktuar panik te banorët dhe turistët.
