Që nga viti 2008, Shqipëria ka përfituar nga programet e UNESCO-s mbi rreth 335,500 dollarë. Të dhënat zyrtare të kësaj organizate mbi Shqipërinë tregojnë se numri më i madh i projekteve të financuara (6 të tilla me vlerë 113,000 usd) kanë qenë në periudhën 2008-2009.
Për periudhën 2016-2017 në total janë miratuar tre projekte me vlerë rreth 43,000 usd.
Shqipëria është anëtare e UNESCO-s që nga viti 1958 dhe ka disa trashëgimi që janë të mbrojtura prej saj: Butrinti, Gjirokastra, Berati dhe Isopolifonia.
Ndërsa janë rreth pesë projekte që janë në listë pritjeje nga të cilat pritet që të hyjë për miratim gjatë 2017-ës Liqeni i Ohrit, pjesa shqiptare. Ndër projekte të tjera janë: qyteti i vjetër i Apollonisë (2014), Amfiteatri i Durrësit ( 1996), Varret e Selcës (1996), etj.
Shqipëria që nga viti 2010 jep kontribut vullnetar në UNESC. Këto vlera kanë ndryshuar në gjashtë vitet e fundit. Vlera më e ulët është dhënë në vitin 2011 me 440, ndërsa m ëi lari në vitin 2015 me 66,246 usd. Për vitin 2016 kjo vlerë u llogarit në 26,120 dhe është paguar tërësisht.
Në total Shqipëria ka ratifikuar 18 instrumente ligjor me këtë organizatë ndërsa 22 janë ende të pa nënshkruara.
Programet
113,000 usd 2008-2009
100,300 usd 2010-2011
34,000 usd 2012-2013
45,000 usd 2014-2015
43,000 usd 2016-2017
Monitor
