Luftëtari arriti të merrte një pikë shumë të rëndësishme në shtëpi përballë Bylisit, ndërkohë që në fundin e takimit kishte tension dhe mosmarrëveshje mes trajnerit Marantas dhe arbitrit. Marantas ka kërkuar nga arbitri i katërt që të bëjë një zëvendësim të tretë dhe të fundit por ka pasur edhe një problem me tabelën.
Ajo nuk punonte, teksa Marantas e ka shkruar numrin që do të largohej me një laps, por kjo nuk ka funksionuar. Më shumë tensioni është rritur në momentin kur u akorduan 4 minuta shtesë, duke qenë se Marantas ka pretenduar se nuk mund të jepen minuta shtesë kur tabela elektronike nuk punon.
Ndërkohë, në përfundim të ndeshjes ka pasur edhe përplasje mes tij dhe delegatëve teksa Marantas nuk ka pranuar që të dalë as në konferencë pas ndeshjes dhe nuk ka folur për mediat.
