Trajneri i skuadrës së Maliqit, Egli Malësija, i kontaktuar nga “Vipsport”, tha se ndodhej në spitalin Rajonal “Omer Nishani” të qytetit të Gjirokastrës, aty ku një prej lojtarëve të tij të dhunuar, e madje duke përfunduar me nofull të thyer do të kryejë edhe ndërhyrjen.
Malësija, tregon atë që ka ndodhur në Këlcyrë, dhunë barbare…! “Nuk kam parë kështu ngjarje, vetëm për futboll nuk bëhet fjalë kur sheh që gjatë gjithë ndeshjes ka dhunë, sherre, ofendime. U bë çdo vit i njëjti avaz, derisa do të vazhdojmë dhe pse falen agresorët? Si mund të godasësh kolegun që ka marrë rrugën, vjen e luan futboll, ndërsa neve në Maliq i respektojmë sa na vijnë në qytet e deri sa i përcjellim pas ndeshjes? Ky është kulmi. Nuk di ç’të them, duhen masa shumë, shumë të forta, ndryshe përsëriten prapë këto ngjarje të dhunshme që po dëmtojnë edhe jetë njerëzish, – tha Malësija për “Vipsport”.
Tashmë, mbetet për t’u parë reagimi i Komisionit të Disiplinës, ku ngjarja e Këlcyrës pritet që të jetë objekt kryesorë në mbledhjen e radhës, ndërsa bëhet fjalë për një ngjarje të përsëritur…
