Trajneri Mlladen Milinkoviç ka hedhur sytë nga të rinjtë për të mbushur radhët e skuadrës së tij në një periudhë kur ka disa mungesa për shkak të grumbullimeve të Kombëtareve. Si “shpërblim” për paraqitjet e mira që kanë bërë me ekipet e moshave, ai ka marrë tre të tillë në stërvitje me ekipin e parë gjatë këtyre ditëve. Sipas planit, ekipi do të ketë dy seanca stërvitore në ditë deri në mbyllje të kësaj jave, ndërsa grupi ka qenë thuajse i plotë. Mungesat e Rexhinaldos të grumbulluar me Mozambikun dhe Abazajt me U-21, janë mbuluar nga afrimi me ekipin e parë të Mahmutajt, Ahmetajt dhe Bashës.
Të tre këta lojtarë kanë spikatur me ekipin U-19, ndaj Milinkoviç e ka parë të arsyeshëm t’i shohë edhe vetë nga afër përkrah skuadrës së parë./panorama sport
