Skuadra e Luftëtarit ka pësuar ndryshime të mëdha gjatë vitit të fundit me lojtarë që janë larguar nga radhët e gjirokastritëve, duke e detyruara klubin të bëjë skuadrën thuajse nga e para një nga ata lojtarë që u larguan në verë ishte edhe Dimitris Kotsionis.
Mbrojtësi grek kishte dhuruara paraqitje të mira me gjirokastritet dhe në momentin kur vendosi të shkonte përsëri në Greqi, u kontaktua nga klube atje, mes të cilave edhe Panaçaiki ku kishte luajtur edhe më parë. Futbollisti nënshkroi me këtë të fundit, por nuk ia doli që të luante me të, pasi iu bllokua dokumentacioni nga Luftëtari, i cili pretendonte se ka ende marrëveshje me futbollistin.
Kështu, Kotsionis ka kaluar këto muaj pushim në pritje të përfundimit të marrëveshjes që kishte nënshkruar me Luftëtarin, me të cilin ka qenë në gjyq në FIFA. Tani, në janar, e ardhmja e tij nuk pritet të jetë në Greqi, por në një kampionat tjetër. Sipas mediave greke, Kotsionis tani është pranë transferimit në Jordani, pasi ka marrë një ofertë shumë të rëndësishme ekonomike atje,. Lojtari, i cili kishte tërhequr edhe klube të tjera shqiptare e të cilin Luftëtari u mundua me çdo mënyrë ta kthente, pritet të firmosë në ditët në vijim në këtë kampionat.
