Vdekja e legjendës së basketbollit, Kobe Bryant, ka qenë në qendër të vëmendjes mediatike. Shumë njerëz kanë komentuar ne mediat sociale rreth vdekjes së yllit të sportit, duke shprehur ngushëllimet dhe duke ndjerë keqardhje të thellë për humbjen e madhe në botën e sportit.
Por, reperi Silento ka hedhur një deklaratë tronditëse, që nuk është përmendur nga askush deri më tani. Ai ka shkruar në profilin e tij në Twitter, duke rrëfyer se lengjendën e NBA-së e kanë vrarë.
“Vdekja e Kobe Bryant ishte një Vrasje e Planifikuar ashtu siç ata u përpoqën të më merrnin dhe mua jetën. Unë i shpëtova kurthit. Mos i besoni askutj! Është një industri e madhe e pisët,”- është shprehur reperi Silento.
Postimi i tij ka marrë mjaft reagime në rrjete sociale, shumë prej të cilave e kanë tallur reperin për deklaratën e tij të befasishme.
Ndërsa komenti i Silento grumbulloi mjaft ndjekës dhe komente në rrjete sociale, jo të gjithë në Twitter po ndajnë teori konspirative rreth vdekjes së Bryant, pasi shumë prej tyre thjesht po vajtojnë për humbjen e tij.
Kobe Bryant, legjenda e basketbollit amerikan u shua pas një aksidenti ajror. Mediat vendase bënë me dije se Bryant ishte duke udhëtuar me helikopterin e tij privat, bashkë me vajzën 13-vjeçare dhe 7 persona të tjerë, por janë rrëzuar dhe kanë gjetur të gjithë vdekjen. Deri më tani si shkak i aksidentit dyshohet të kenë qenë kushtet jo të favorshme atmosferike. Mjegulla e madhe e cila kishte “pushtuar” zonën e Kalifornisë ka vështirësuar punën e pilotit, i cili humbi menjëherë kontrollin e helikopterit. Mijëra fansa nëpër botë kanë shprehur ngushëllimet për këtë humbje.
