Prezantuesja Alketa Vejsiu ka tentuar të bëjë një sqarim për të gjitha kritikat që vërshuan pas prezantimit të saj në Sanremo. Në një intervistë për emisionin “Opinion” në Tv Klan ajo u përgjigj për disa prej tyre. Ndonëse në përgjithësi gazetari Blendi Fevziu luajti rolin e ndërmjetësit mes kritikëve dhe Alketës në një moment edhe ai e tha mendimin e tij se Alketa kishte treguar inferioritet duke e falënderuar aq shumë Italinë për mundësinë që iu dha.
“Po ta them edhe pse nuk është korrekte të ta them në emision. Praktikisht ti prezantove më mirë se një pjesë shumë e madhe e atyre që ishin në atë studio. Kishe një background shumë më të mirë sesa ato sepse ke 20 vjet në ekran dhe s’kishe përse të tregoje një shenjë inferioriteti ndaj Italisë ndaj italianëve apo ndaj faktit që u ngjite në atë skenë. Nëse ata s’do të kishin nevojë nuk do të kishin qasur kurrë në atë skenë. Kështu që për sa kohë, aty shkon me dinjitetin tënd, me aftësinë tënde dhe me staturën tënde, ekzagjerimi i falënderimeve të mëdha për Italinë…” – tha Fevziu.
