Humbja në Shkodër dhe largimi i Nikolin Çoçllit, i katërti trajner derr më tani i larguar nga bluzinjtë ka bërë që në stol të ulet një emër i njohur në futbollin bluzi, Neritan Novi. Ky i fundit ka eksperiencë, pasi ka punuar edhe më parë si zv. trajner në Gjirokastër.
Novi ka punuar edhe me ekipet e moshave, e tashmë duket se i është besuar skuadra e parë. Por, drejtuesit kanë projekte të tjera dhe nga sa bëhet e ditur, bëhet fjalë për ekipet e moshave. Lojtarë të talentuar nga U-19 do të afrohen në skuadrën e parë. Madje do t’u jepet përparësi, pasi tashmë edhe shanset për mbijetesë janë thuajse zero.
Prandaj po punohet për të ardhmen, aq më tepër që, në një media i ftuar pak ditë më parë, vetë presidenti i bluzinjve, Bekim Halilaj tha se do ta shoh si biznes dhe do të përpiqet që të ndërtojë një ekip që të ngjitet brenda vitit në elitë.
Kështu që tradita, për të pasur sa më shumë vendas, duke nisur që nga sezoni i ardhshëm ka filluar që të marrë jetë te Luftëtari…, ku për të së vërtetës ka nxjerrë lojtarë që kanë kontribuar jo vetëm në ekip të njohura të vendit, por edhe në Shpresa e Kombëtare.
