Bashkia Gjirokastër ka vijuar edhe sot me shpërndarjen e ndihmave për familjet në nevojë e sidomos për pensionistët e vetmuar, që nuk duhet në mënyrë kategorike të dalin nga shtëpia në kushtet e emergjencës nga përhapja e Covid-19. Kryebashkiaku Flamur Golemi ka shpërndarë sot një tjetër video ku shfaqen disa familje që marrin ndihmën e bashkisë.
“Ne do të jemi pranë kujtdo që ka nevojë për ushqime dhe ilaçe. Ju duhet thjesht të qëndroni në shtëpi, të ndiqni këshillat e mjekëve, të kufizoni lëvizjet dhe kontaktet. Mos harroni, çdo dalje nga shtëpia i hap derën virusit. Me durim dhe vendosmëri do arrijmë ta fitojmë këtë luftë. #QëndroniNëShtëpi #DoiaDalim #GjirokastraSolidare #BashkiaGjirokastër #TiNukDoJeshKurrëVetëm”, shkruan Golemi në Facebook.
