Bashkia Gjirokastër ka vijuar edhe sot me shpërndarjen e ndihmave. Ushqime e ilaçe janë dhënë për familjet e komunitetit rom në lagjen ‘Zinxhira’. Kryebashiaku Flamur Golemi publikon thotë se askush nuk do të jetë vetëm në këto ditë të vështira.
“Do të shkojmë pranë çdo familje në nevojë, pranë çdo pensionisti të vetmuar për t’i çuar ushqime dhe ilaçe. Në këto ditë të vështira askush nuk do të jetë vetëm. Sot shpërndamë ndihma në disa familje të lagjes “Zinxhira”. Është shumë e rëndësishme të respektojmë kufizimet në lëvizje, kontaktet dhe higjenën personale. Çdo dalje e juaja jashtë, i hap derën virusit të rrezikshëm. Me durim dhe besim tek vetja e njëri-tjetri, do ia dalim ta fitojmë këtë luftë që askush s’e imagjinonte më parë. Pas disa kohësh kjo ka për të qenë thjesht një endërr e keqe që e kemi parë të gjithë së bashku. Forca!”, shkruan Golemi në faqen e tij në Facebook.
