Bashkia Gjirokastër ka vijuar ditën e sotme me shpërndarjen e ndihmave dhe në fshatin Lazarat. Kryebashkiaku Flamur Golemi teksa poston videon, përsërit thirrjen për të qëndruaër në shtëpi.
“Pranë familjeve në nevojë të Lazaratit, për t’i ndihmuar sadopak në këtë situatë të pazakontë dhe për t’i këshilluar që nuk duhet të dalin nga shtëpia, sidomos të moshuarit. Kjo sakrificë është e pashmangshme në luftën që kemi nisur me Covid-19. Ne do të kujdesmi për ju, por ju lutem RESPEKTONI kufizimet dhe masat e ndërmarra nga qeveria. Me durim dhe besim të madh të gjithë do të jemi fitimtarë të kësaj lufte”, shkruan Golemi në Facebook.
