Kanë dalë sonte në mesnatë përgjigjet e analizave për dy personat e dyshuar si të prekur me koronavirus dhe që u izoluan mesditën e djeshme në Gjirokastër. Fatmirësisht tamponi i tyre ka rezultuar negativ me Covid-19. Pra nuk janë të infektuar me koronavirus.
Më herët ArgjiroLajm.net raportoi se policia kufitare në Kakavijë kishte ndaluar dy shtetas shqiptarë, të cilin u futën legalisht në territorin tonë, por njëri prej tyre kishte shfaqur shenja të Covid-19, si temperaturë dhe kollë. Shtetasit e ndaluar ishin R.S dhe A.S, banues në Berat.
Pas kryerjes së procedurave nga policia, këtyre shtetasve iu mor të dyve mostra për kryerjen e analizës që do të provonte nëse ishin të prekur me koronavirus apo jo. Ata u mbajtën në spitalin e Gjirokastrës që prej mesditës derisa të dilnin analizat.
Fatmirësisht nuk janë të prekur me koronavirus, por sidoqoftë duhet të qëndrojnë në kushte karantine për 2 javë, pa dalë fare nga shtëpia. Qarku Gjirokastër dhe Dibër janë të vetmit që deri më tani s’kanë raste të prekur me koronavirus. Më poshtë fotot në momentin e marrjes së mostrave.
©argjiroja.net