Kjo është dëshmia e me lot në sy e moshuarës që u grabit më forcë në Gjirokastër. Laze e Hismet Shehaj treguan tmerrin e përjetuar në shtëpinë ku jetonin me qira në Lagjen “Kodra e Shtufit”. Hajdutët u erdhën në orët e para të mëngjesit dhe u futën në banesë përmes dritares së tualetit. Veç lekëve që thotë se i kishte mbledhur me mundim për qiranë, hajduti i dhunoi e tmerroi.
“Më morën 187 mijë lekë. Unë shes lakra. Më mori edhe peshoren. Më hodhi fort duart në fyt. I thash burrit se çfarë bën. Mua më ra të fikët. Mora policinë. Unë nuk e njoh personin. Nga trupi dukej i gjatë. Më mori lekët e qirasë. Nuk kemi ku t’i gjejmë lekët e qirasë. Do të dal të fle në rrugë. Jemi të tronditur, jam për spital. Të më kishte thënë m’i jep lekët do ia kisha dhënë, vetëm këtë të mos e kishte bërë.”
Disa orë pas ngjarjes, policia ka vënë në pranga autorin e dyshuar, 32-vjeçari Vasilis Kafarani, i cili në dëshminë e parë mësohet se ka thënë se kishte nevojë për paratë. Por ai besohet se ka vepruar me një tjetër person, që sipas burimeve e ka pritur jashtë ambienteve të shtëpisë. Shihni në videon më poshtë dëshminë e gruas së moshuar.
©argjiroja.net
