Ish-presidenti amerikan Bill Clinton, është në një situatë të sikleteshme, pasi mediat kanë publikuar disa foto të tij, me një prej viktimave të orgjive të Jeffrey Epstein.
Në foto shihet se si Chauntae Davies, atëhere 22 vjeçe, i bën masazh Bill Clintonit, në një nga udhëtimet e tij me Epstein dhe njeriun që rekrutonte femra për të, Ghislaine Maxwell.
Davies e ka akuzuar Epstein për abuzime seksuale dhe përdhunim, por nuk ka bërë asnjë denoncim për Clinton.
Ky i fundit ka pasur një miqësi të ngushtë me Epstein dhe bënte udhëtime të shpeshta me avionin e tij privat.
Madje, ka qenë shpesh edhe në vilën e Epstein, ku bëheshin orgjira, kryesisht me minorene, që i siguronte e dashura e Epstein, Ghislaine Maxwell.
Kjo e fundit aktualisht është nën hetim, ndërkohë që Epstein u vetëvra në mënyrë të çuditshme, pasi u arrestua për abuzimet e tij.
