Ronaldo përgatit mbërritjen në Manchester

Nga njëra anë është futbollisti Cristiano Ronaldo. Nga tjetra biznesmeni.Pas mbylljes së sezonit të futbollit, sulmuesi i Juventus-it ka vendosur të shkëputet pak nga bota e topit dhe të përqendrohet biznesi dhe veçanërisht te hapja e një hoteli luksoz me 4 yje me kosto 27 milionë sterlina në Manchester.Siç ka bërë të ditur Daily Mail, struktura duket se është fryt i bashkëpunimit të tij me kompaninë e turizmit dhe argëtimit Pestana dhe duhet të jetë gati në vitin 2023. Do të bëhet fjalë për një hotel me plot 11 kate, 151 dhoma, një palestër dhe një bar/restorant në çati. Vendimi për të hapur një strukturë të re ka ardhur nga suksesi i madh që CR7 ka pasur me hotelet në Madeira, Lisbona, Madrid, New York, Marrakesh dh Paris. Në faqen e Pestana-s lexohen edhe arsyet që kanë shtyrë CR7 të vazhdojë përpara me realizimin e hotelit në Manchester: Ky vend i përshtatet në mënyrë perfekte karakteristikave të qytetit dhe ky është i njëjti qytet ku CR7 ka filluar karrierën e tij ndërkombëtare. Përveç futbollit, Manchester njihet edhe për muzikën dhe është vendi i lindjes së revolucionit industrial.