Vetëm Dybala e bëri këtë në Champions

Sezoni 2019-2020 i Ligës së Kampionëve sapo është arkivuar, me triumfin e Bayern Munich dhe, mbi të gjitha, me disa rekorde vërtet të bujshme. Ka disa të tjera, në kuadrin e kompeticionit, që janë rekorde vështirë për t’u besuar. Duke parë ndeshjet nga faza e grupeve deri në finale e mbrëmshme (përjashto raundet paraprake të mëparshme), vetëm një gol u shënua direkt nga goditja e lirë. Shumë, shumë pak, po të kemi parasysh gjithsej 386 gola dhe 119 ndeshje në krejt edicionin.
Ky gol i çmuar, më unik se sa një mall i rrallë, është shënuar nga Paulo Dybala në Juventus-Atletico Madrid 1-0, 19 nëntorin e kaluar. Ju kujtohet ajo trajektore e përsosur për të mashtruar Oblak, nga një kënd i ngushtë. Një perlë për ta rishikuar disa herë.
Nga ai moment, askush tjetër nuk ishte në gjendje të finalizojë direkt nga goditja e lirë, madje as specialistët e shkëlqyeshëm të kalibrit të Neymar, De Bruyne dhe Messi. Për “Joya”, një tjetër “fletë lavdërimi” nga një sezon për t’u kujtuar në nivelin personal, i cili e pa atë të fitojë çmimin e “MVP” të Serie A.