Turqia deklaroi të enjten se do të zhvillojë stërvitje ushtarake në Mesdheun lindor në 1-2 Shtator, e fundit në një seri stërvitjesh ushtarake që kanë nxitur tensione me Greqinë.
Të dy shtetet e NATO-s janë ngerthyer në një mosmarrëveshje të hidhur mbi kontrollin e ujërave mesdhetare lindore, e cila u përshkallëzua pasi Ankaraja dërgoi një anije sonde në rajonin e diskutueshëm këtë muaj në një veprim që Athina e quajti të paligjshme.
Ata janë në kundërshtim me njeri tjetrin lidhur me pretendimet ndaj burimeve të mundshme të hidrokarbureve bazuar në pikëpamjet kundërshtuese në lidhje me shtrirjen e shelfeve të tyre kontinentale në ujërat e pikatuara me ishujt kryesisht Grekë.
Marina turke lëshoi këshillën e fundit, të njohur si Navtex, të enjten duke thënë se do të zhvillojë stërvitjet me të shtënat në Mesdheun lindor në brigjet e Iskenderun, në veri-lindje të Qipros.
Ndërsa mosmarrëveshja u zgjerua, Franca tha të Mërkurën se po bashkohej me stërvitjet ushtarake me Italinë, Greqinë dhe Qipron në Mesdheun lindor.
Zëdhënësi i Ministrisë së Jashtme Turke, Hami Aksoy tha se vendosja e avionëve ushtarakë francezë në Qipron Greke shkelte traktatet në lidhje me kontrollin dhe administrimin e ishullit pas pavarësisë nga Britania në 1960.
Aksoy tha se qëndrimi i Francës po inkurajonte rrezikshëm Greqinë dhe Qipron të përshkallëzojnë më tej tensionet në rajon.
Qiproja u nda në 1974 pas një pushtimi turk të shkaktuar nga një grusht shteti i frymëzuar nga Greqia. Qipriotët Grekë të ishullit jetojnë kryesisht në jug, dhe Qipriot turq në veri. /Reuters, përktheu në shqip ©LAPSI.AL
