Ish-banorja e ‘Big Brother’ zbulon prapaskenat e produksionit për çmimin e madh
Janë në garë për 100 mijë euro, para që do t’i fitojë vetëm një nga çiftet që është ende në lojë, brenda shtëpisë së “Big Brother”.
Konkurrentët e këtij edicioni kanë luajtur ashpër, që në ditët e para të tij. Konflikte, debate, flirte, “tradhti” përbëjnë panoramën e “Big Brother 9”, që sfidon denjësisht telenovelat.
Se kush do t’i fitojë këto para ende nuk dihet, megjithatë një nga ish-banoret e “Big Brother” ka lënë të kuptohet se kushdo të fitojë duhet t’i harrojë 100 mijë eurot.
Fituesja e “Big Brother 4”, Ermela Mezuraj ka komentuar në rrjetet sociale, ku është shprehur mjaft e irrituar për eliminimin e Damianos, ndërsa ka nënkuptuar se ajo nuk ka marrë 100 mijë euro nga “Big Brother”, ashtu siç ishte thënë publikisht asokohe.
