Kryeministri Edi Rama ka thirrur mëngjesin e sotëm në një mbledhje në selinë e PS-së, drejtuesit politikë në qarqe të cilët u emëruan pak ditë më parë. Takimi po zhvillohet pas ndryshimeve të kryera tek drejtuesit politik në qarkun e Lezhës, Shkodrës dhe të Durrësit, në kuadër të zgjedhjeve paralamentare që do të zhvillohen me datën 25 prill 2021.
Qarku i Tiranës do të ndahet mes Elisa Spiropalit dhe Ervin Bushatit. Ndërsa pjesa e Bashkisë së Tiranës do të drejtohet nga kryebashkiaku Erion Veliaj. Në Durrës largohet Vangjush Dako dhe në vend të tij shkon si drejtues i përkohshëm kryeministri Edi Rama. Në Elbasan konfirmohet Sekretari i Përgjithshëm i PS, Taulant Balla.
Në Shkodër shkon Ilir Beqaj, në vend të Ditmir Bushatit. Në Lezhë konfirmohet Lindita Nikolla. Në Vlorë Damian Gjiknuri. Në vend të Ilir Beqajt, në Dibër do të jetë Olta Xhaçka, e cila drejtoi këtë qark edhe në zgjedhjet lokale të 30 qershorit. Në Korçë shkon Niko Peleshi në vend të Elisa Spiropalit.
Fieri nuk ndryshon me Gramoz Ruçin, po ashtu edhe Gjirokastra me Bledi Çuçin. Në Kukës drejtimi politik i PS i është besuar Safet Gjicit, i zgjedhur kryetar bashkie në zgjedhjet e 30 qershorit të kaluar.
Drejtuesit e rinj politik në qarqe; Tiranë; Qarku – Elisa Spiropali, Ervin Bushati; Bashkia Tiranë – Erion Veliaj; Durrës – Edi Rama; Elbasan – Taulant Balla; Korçë – Niko Peleshi; Vlorë –Damian Gjiknuri; Lezhë – Lindita Nikolla; Shkodër – Ilir Beqaj; Kukës – Safet Gjici; Fier – Gramoz Ruçi; Dibër – Olta Xhaçka; Gjirokastër – Bledi Çuçi.
