Është shënuar një tjetër rekord rastesh të reja me COVID-19 në botë. 307.930 raste të reja janë regjistruar gjatë 24 orëve të fundit, e cila është dhe shifra më e lartë që nga nisja e pandemisë.
Ndërsa numri i të vdekurve ka arritur në 924,127, pas 5.500 rasteve të reja gjatë 24 orëve të fundit.
Drejtori i OBSH-së, Tedros Adhanom Ghebreyesus ka shkruar në Tëitter se njerëzit nuk duhet të takohen me njëri-tjetrin as me bërryl pasi ajo nuk ruan distancën për të shmangur ngjitjen e koronavirusit.
“Kur përshëndetni njerëzit, është më mirë të shmangni edhe prekjen me njëri-tjetrit me bërryla sepse kjo nuk ruan distancat. Mua më pëlqen të vendos një dorë në zemër për të përshëndetur njerëzit në këto ditë”, shkruajti Tedros Adhanom Ghebreyesus.
