Shefi i Grupit Parlamentar të AAK-së, Besnik Tahiri ka bërë të ditur se Adnan Dibrani ka fituar një vend në Parlamentin Evropian në zgjedhjet që u mbajtën këto ditë.
Tahiri në një postim në “X” ka shkruar se Adnani po bëhet shqiptari i parë nga Kosova i zgjedhur në Parlamentin Evropian.
“Adnani është nga Mitrovica dhe ka emigruar në Suedi në vitet e 90-ta, ku kishte një angazhim të madh si qytetar aktiv. Ai ishte deputet në Suedi dhe gjithashtu anëtar i Asamblesë Parlamentare të Këshillit të Evropës”, ka shkruar Tahiri.
Adnan Dibrani është anëtar i parlamentit suedez për Social Demokratët. Dibrani u zgjodh në parlamentin suedez në vitin 2014. Ai u zgjodh të përfaqësoj zonën elektorale të Hallandit.
