Aksident ajror në Greqi, avioni rrëzohet në pistën e aeroportit

Një avion është rrëzuar në aeroportin e Heraklion në Greqi. Raportohet se avioni dymotorësh, është dëmtuar rëndë gjatë uljes së tij. Sipas informacioneve, avioni Bombardier CL-600-2B16 Challenger 604 , i kompanisë Volare Aviation, kryente një linjë nga Britania në Kretë dhe konkretisht në aeroportin e Heraklion. Pak sekonda pas uljes, hunda e avionit u rrëzua, duke bërë që ai të zvarritet në pistë. Ekuipazhi ka reaguar me qetësi, avioni është imobilizuar pa asnjë problem tjetër, ndërsa asnjë nga shtatë pasagjerët në bord nuk është lënduar. Mjetet e Shërbimit Zjarrfikës të Aeroportit janë gjetur menjëherë në vendngjarje, por pa pasur nevojë të ndërhyjnë.