Një aksident ka ndodhur mbrëmjen e sotme në Gjirokastër. Policia njofton se i plagosur ka mbetur nje i ri, i cili shpërndante pica me motor në qytet. Argjirolajm.net sjell foto nga vendi i ngjarjes ndërsa më poshtë njoftimi i policisë për ngjarjen.
Gjirokastër/ Informacion paraprak
Rreth orës 22:36, në aksin nacional Gjirokastër-Kordhocë, në afërsi të vendit të quajtur “NSHN”, është përplasur automjeti tip “Toyota”, me drejtues shtetasin G. G., rreth 60 vjeç, me motoçikletën me drejtues shtetasin F. M., rreth 22 vjeç. Për pasojë është dëmtuar drejtuesi i motoçikletës, shtetasi F. M., i cili u transportua për në spitalin Rajonal Gjirokastër. Në vendngjarje ndodhet grupi hetimor dhe po punon për zbardhjen e shkaqeve të aksidentit.
