Një aksident rrugor ka ndodhur dy ditë më parë në rrugën Këlcyrë-Ballaban.
Për pasojë ka mbetur i plagosur rëndë një shtetas, i cili ndodhet në Spitalin e Traumës në Tiranë, ndërsa një tjetër ndodhet jashtë rrezikut për jetën në spitalin e Gjirokastrës.
Më poshtë njoftimi i plotë i policisë për ngjarjen.
Nga specialistët e qarkullimit rrugor u arrestua në flagrancë shtetasi : A.B, 34 vjeç, banues në fshatin Kodrishtë, Këlcyrë, si dhe u referuan materialet në Prokurorinë e Rrethit Gjyqësor Përmet për shtetasin O.M, 33 vjeç, banues në Përmet, pasi:Në vendin e quajtur “Kthesa e Ballabanit”, në aksin rrugor Këlcyrë -Ballaban shtetasi A.B duke drejtuar motoçiletën tip “Kavasaki”, pa targa është përplasur me motoçikletën tip “SONGSHIANG”, pa targa të drejtuar nga shtetasi O.M.Nga përplasja e dy motoçikletave janë dëmtuar të dy drejtuesit e motorcikletave, shtetasi O.M u transportua në Spitalin e Traumës Tiranë në gjëndje të rëndë për jetën ndërsa shtetasi A.B ndodhet i shtruar në Spitalin Gjirokastër jashtë rreziku për jetën.Materialet i kaluan Prokurorise së Rrethit Gjyqësor Përmet për veprime të mëtejshme.
