Policia ka shpërndarë një njoftim të shkurtër për aksidentin e mbrëmjes së sotme në aksin Gjirokastër-Kakavijë. Një person rreth 60 vjec ka mbetur i plagosur rëndë dhe ndodhet aktualisht në spitalin “Omer Nishani” për ndihmë mjekësore.
Dropull/Informacion paraprak
Rreth orës 22:30, në aksin rrugor “Gjirokastër-Kakavije”, në vendin e quajtur “Kryqëzimi i Glinës”, shtetasi T. B., 29 vjeç, duke drejtuar automjetin tip “Volkswagen”, ka aksidentuar shtetasin S. A., rreth 60 vjeç (këmbësor), i cili ndodhet në Spitalin Rajonal Gjirokastër, në gjendje të rëndë shëndetësore.
Drejtuesi i automjetit, u shoqërua në komisariat, për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
