Gjykata e Vlorës caktoi masën e sigurisë “arrest me burg” për 22-vjeçarin Igli Madani, drejtuesi i mjetit “Audi” që shkaktoi aksidentin tragjik në aksin Fier-Vlorë.
Të premten një familje me 4 anëtarë ndërruan jetë, pasi u goditën nga pas nga automjeti Audi, që po ecte me një shpejtësi shumë të lartë. I riu u përfaqësua në gjyq nga avokati, pasi vijon të jetë në spitalin e Traumës. Ndërkohë ligji parashikon, nga 5 deri në 20 vjet burg për 22-vjeçarin që shkaktoi aksidentin.
Mjeti që drejtohej nga Igli Madani, ishte në emër të babait të 22-vjeçarit, biznesmenit Bashkim Madani. I riu kishte tri gjoba për shkelje të rënda të kodit rrugor, konkretisht për parakalime të gabuara dhe për kalim me semafor të kuq
