Rëndohet bilanci i viktimave nga aksidenti tragjik me motor gjatë paradites së sotme në Vlorë, ku mbeti i vdekur një 19-vjeçar.
Sipas njoftimit të policisë, ka ndërruar jetë edhe pasagjeri 16-vjeçar gjatë transportit për në Spitalin e Traumës. Motomjet tip “Piaggio”, me targa AK653, ka humbur kontrollin dhe ka dalë nga rruga, duke u përplasur fillimisht me një shtyllë elektrike dhe më pas me një shtyllë tjetër prej druri.
Si pasojë e përplasjes së fortë, dy persona që ndodheshin në mjet kanë humbur jetën.
Njoftimi i policisë/ Vlorë
Në vijim të aksidentit të ndodhur sot, në rrugën “Demokracia”, ju informojmë se shtetasi L. Ll., 19 vjeç, i cili ndërroi jetë në vendngjarje, ka qenë drejtuesi i motomjetit.
Gjithashtu, ka ndërruar jetë gjatë transportit për në Spitalin e Traumës edhe shtetasi i mitur T. M., 16 vjeç, i cili udhëtonte si pasagjer.
Në përfundim të veprimeve hetimore, materialet do t’i referohen Prokurorisë për veprime të mëtejshme procedurale.
