Kryeministri Edi Rama gjatë bashkëbisedimit me qytetarë në Gjirokastër është pyetur edhe cështjen e spitalit rajonal “Omer Nishani”. Një mjeke e pranishme në takim i tha nëse i cënohet statusi si spital rajonal pas ndërtimit të spitalit të ri me financim turk në Fier. Kryeministri e mohoi kategorikisht këtë gjë.
“Nuk ka asnjë lidhje”, tha ai shkurtimisht duke u tallur më pas me ish-deputetin e PD-së, Tritan Shehu, i cili është një prej atyre që ka kundërshtuar spitalin e ri të Fierit. “Tritanin dëgjoje për relaks, mos e merrni seriozisht”, tha Rama.
Ndërkohë një alarm të rremë po për spitalin e Gjirokastrës e ka dhënë edhe ish-deputeti i LSI-së, Vangjel Tavo. Ai thotë se pas përfundimit të këtij investimi, spitali i Gjirokastrës do e humbasë statusin e spitalit rajonal.
©argjiroja.net
