Këngëtari i njohur Alban Skënderaj ka rrëfyer një pjesë nga largimi i tij nga Shqipëria drejt Italisë me anije në vitin 1997. I ftuar në podcastin e kryeministrit Edi Rama, Albani ka treguar për dëshirën që kishte kur ishte vetëm 15 vjeç, për të shkuar drejt Italisë.
Ai shprehet se ato vite ishin vite të trazuara dhe se vendosi të largohej edhe pa i thënë babait. Udhëtimi i ‘tmerrshëm’ prej më shumë se 20 orësh, nuk ishte i lehtë për këngëtarin.
“Anija ishte 80 veta kapacitet dhe brenda ishin 450 vetë. U prish timoni. Po të kisha rënë nuk do të më kishte parë njeri.” tha Skënderaj.
Sikur të mos mjaftonte kjo, anija ku kishte hipur këngëtari filloi të mbytej dhe u detyrua të hipte në një anije tjetër luftarake shpëtimi. Pasi mbërriti në vendin fqinj Skënderaj tregon se u dërguan në kamp nga ku nuk pati asnjë kontakt me familjen për dy javë.
“Anija e Otrantos u mbyt një ditë më pas, ne u nisëm një ditë më para. Prindërit mendonin se isha në atë anije.” shtoi Albani.
