Ajo ishte një ndër konkurentet më të komentuara të “Big Brother Vip”. Bëhet fjalë për aktoren e njohur Arjola Demiri, e cila së fundmi, gjatë një interviste për emisionin “Natën me Aulonën” ka zbuluar më shumë rreth jetës së saj personale dhe profesionale.
Gjatë intervistës ajo foli për një gjë që ka vënë re tek meshkujt të cilët sipas saj qëndrojnë në një lidhje për shkak të interesit që kanë për partneren e tyre.
“Realiteti në Shqipëri është që meshkujt nuk janë të aftë të mbajnë një femër që është bashkëshortja e tyre, por janë të aftë të mbajnë 10 dashnore. Këtë nuk e kam kuptuar kurrë sepse dreqi ta hajë mos rri në një lidhje që nuk të bën të lumtur”, tha Arjola.
