Shoqata Himara ka paralajmeruar një protestë ditën e sotme në Athinë, për arrestimin dhe burgosjen e kryebashkiakut të zgjedhur në Himarë Fredi Beleri. Me anë të një njoftimi bëhet me dije se protesta do të mbahet para ambasadës shqiptare në Athinë dhe do të nisë në orën 18:00. Ata kanë ftuar çdo himarjot dhe vorioepiriot që jeton në Athinë për të marrë pjesë në protestë.
Njoftimi i Plotë:
Protesta në Ambasadën Shqiptare ditën e martë më 23 maj në orën 18:00. Qeveria shqiptare, kundër çdo koncepti ligji, vendosi të vijojë burgosjen për kryebashkiakun e Himarës, Fredis Beleris dhe shtetasin Pantelis Kokavesis. Përballë këtij zhvillimi, Unioni i Çimarriotëve do të ushtrojë të gjithë fuqinë që mundet që bashkatdhetarët tanë të lirohen ashtu siç e meritojnë. Ftojmë të gjithë himarjotët që jetojnë në Athinë por edhe çdo vorioepirot, çdo qytetar të Greqisë dhe Shqipërisë që e kupton këtë padrejtësi të bashkohet me ne në protestën paqësore që po organizojmë të martën e datës 23 maj në orën 06.00 pasdite në ambasadën shqiptare në Athinë. Le të japim të gjithë së bashku mesazhin se praktikat e shigurimit nuk do të mbeten pa përgjigje. Athinë, e hënë 22.05.2023 Shoqata e Chimarrioteve “KIMARRA”
GJKKO dha vendimin “Arrest me burg” për kryebashkiakun e zgjedhur të Himarës, Fredi Beleri dhe bashkëpunëtorin e tij, Pandeli Kokaveshi. Arrestimi i tij është bërë dy ditë para zgjedhjeve të 14 majit, pasi akuzohet për shitblerje votash. Kjo ngjarje solli reagime edhe nga pala greke, e cila ka bërë shpesh thirrje për lirimin e Belerit
