Policia e Tiranës ka arrestuar Ardian Serezin, si i dyshuar për vrasjen e biznesmenit Memli Begalla. Për këtë ka reaguar në Facebook edhe ish-kryeministri Sali Berisha. Ai thotë se Ardian Serezi është gjithashtu edhe personi që ka kërcënuar gazetarin nga Gjirokastra, Telnis Skuqi. Berisha thotë se Serezi kishte lidhje të afërta me ish-ministrin e Brendshëm, Saimir Tahiri. Sipas Berishës, Serezi ishte caktuar nga Tahiri si koordinator i vjedhjes së kanabisit gjatë operacionit në Lazarat. Ish-kryeministri publikon ndër të tjera edhe statusin e datës 12 janar 2015, ku denonconte kërcënimin ndaj gazetarit Telnis Skuqi. Ja çfarë shkruante Berisha asokohe.
Atentat ndaj fjales se lire. Grushta dhe shqelma mbi gazetarin investigativ Telnis Skuqi! Te dashur miq, sot ne mengjes nje person i panjohur qe rezulton te jete nje fanatik i PS dhe thuhet i perdorur se fundi dhe si agjent nga policia e partise, goditi me grushta dhe shqelma, pasi e shau me fjalet me te renda, gazetarin e mirenjohur investigativ te vendit, Telnis Skuqi. Krimineli e agresoi gazetarin para gjykates se Gjirokastres fizikisht dhe me sharjet me te ulta. Ai, pasi e akuzoi si provokator per gjera qe nuk kishin asnje lidhje me Telnisin, i rikujtoi ketij te fundit shkrimet e tij duke i thene se do ta shohesh ti me ato shkrime qe ben kundra nesh. Po ju rikujtoj ketu te dashur miq se Telnis Skuqi eshte gazetari investigativ numer nje i vendit, i cili me hetimin e tij te guximshem arriti te zbuloje rrjetin e trafikut te droges qe drejtohej nga Serezi i Saimir Tahirit dhe qe perdorte bazat e Ushtrise, avionet privat qe uleshin ne Kradhiq.
