Arta Dade, ish-ministre dhe një nga figurat e Partisë Socialiste për vite me radhë ka dhënë një intervistë për A2 CNN. Duke komentuar përballjen e ardhshme elektorale PD-PS, ajo e sheh problemin e opozitës pikërisht te Sali Berisha.
“Në këtë 4-vjeçar, këshillat kanë qenë vetëm të PS-së, sepse ishte një nga gabimet më të mëdha në histori dorëzimi i mandateve. Edhe unë që kam folur për ato defekte që janë të dukshme, më mirë se opozita nuk mund ta bëjë punën askush. Sa më shumë të jetë Berisha aty, njerëzit do të bëjnë krahasimin e Ramën dhe patjetër do të zgjedhin këtë të fundit. Unë nuk parashoh që ata mund të kenë mundësi. Mund të marrin sa gishtat e dorës bashki”, shprehet Dade.
